الفول واللحمه

عن موضوع الفول واللحمة صرح مصدر قال مسئول

ان الطب اتقدم جدا والدكتور محسن بيقول

ان الشعب المصرى خصوصا من مصلحته يقرش فول

حيث الفول المصرى عموما يجعل من بنى ادم غول

تأكل فخده فى ربع زكيبه والدكتور محسن مسئول

يديك طاقه وقوة عجيبه تسمن جدا تبقى مهول

ثم اضاف الدكتور محسن ان اللحمه دى سم أكيد

بتزود أوجع المعده وتعود على طولة الايد

وتنيم بنى ادم وتفرقع منه المواعيد

واللى بياكلوا اللحمة عموماً حيخشوا جهنم تأبيد

يا دكتور محسن يا مزقلط يا مصدر يا غير مسئول

حيث ان انتو عقول العالم والعالم محتاج لعقول

ما رأى جنابك وجنابهم فيه واحد مجنون بيقول

احنا سيبونا نموت باللحمه وانتو تعيشوا وتاكلوا الفول

ما رأيك يا كابتن محسن مش بالذمه كلام معقول

.

والله اذا كان الفول واللحمة فالاتنين بيسببوا النقرس
هههههههههههههههههههههههههههههه